Spam na Naman!!!

Araw-araw di na ako naubusan ng spam. Tinapay na lang nga ang kulang. Di na ako kumakain ng Ma-Ling kasi me kakaibang kwento dun. Spam na lang. Eniwey, sa dinami-dami ng spam sa one thousand syete mil kong mga email address, kahit mag-arkila ako ng sampung sekretarya taga-earse lang ng mga spam, eh kulang.

Kung sineryoso ko sana yung mga emails na yan, malamang mas mayaman pa ako ke Bill Gates dahil araw-araw, nananalo ako sa mga email lottery. At linggo linggo, me malayo akong kamag-anak na uber yaman na kamamatay lang at pinapamanahan ako ng milyun liyung pesoses. Wala pa dun yung mga nag-aalok sa kin ng negosyo mula sa Nigeria. At yung mga taga bangko sa Africa na naswertehang me namatay na kliyente at ako ang napiling pagkatiwalaang gawing claimant. Eh di sana meron na nga akong sampung secretary taga basa ng emails ko.

Pero malamang din, eh naubos na lahat ng kamag-anak ko dahil tuwing hindi ko sinusunod yung mga chain emails na sinasabihan akong i-forward sa sampung mga ka-repapits, eh me mamamatay daw na malapit sa akin. So far wala pa naman, maliban dun sa isa kong kuko sa paa.
Siguro din, kasing laki ng ng poste ang aking "future" (hinaharap, ano ka ba? rated PG dito) sa dami ng mga nag-ooffer sa akin ng mga viagra at kung anu-anong pampalaki ng.... katawan.

Pero minsan ika nga eh once in a blue moon, me naliligaw na ok. Kaya naman itinatabi ko para kapag wala pa akong ganang mag-sulat ng walang kawawaan, pwede kong i-post dito. At kahit yung ibang mga banat eh kopong-kopong pa at gasgas na gasgas na kagaya ng mukha ni Jograd, pang-asar pa rin.

Kaya eto ang iba. Ang ayaw ngumiti..... pangit!

In a pet shop... Customer talking to a parrot...
Customer: Hoy! Can you talk ha?! Imbecile!!!
Parrot: Wat do you think of me, deaf mute?! Can you fly ha? Pakyu!!!

Passenger taps taxi driver's shoulder...
Driver: WAAAAAHHHHHH! !!!
Pasahero: Bakit ka sumigaw?
Driver: Sorry bossing bago lang kasi ako sa taxi. 25 years kasi ako driver ng punenarya.

Isang chaka na babae, hinoholdap...
Holdaper: Holdap ito! Nyahah! Akin na gamit at pera mo!
Babae: RAPE! RAPE! RAPE!
Holdaper: Anong rape? Holdap nga to eh!
Babae: Wala lang.... Nagsusuggest lang naman...

(in a cabinet meeting ...)
GMA: Oshige ... kung shino man ang tamaan ng bola na 'to ay siyang magre-reshign ha?
(initsa ang bola, tumalbog pabalik sa kanya ...)
GMA: Oooo ... praktish lang un noh? Ulet!

Mom: Baby, you're good in math. Now I'm going to ask you a question.
Baby: Sure mom
Mom: If your daddy gives you 3 apples and I give you 4 apples, what's your answer?
Baby: Thank you po!!!

BF: Mahal, may malaki ako problema, eh...
GF: Wag mo sabihin problema MO lang... problema NATIN dahil nagmamahalan tayo. Ngayon anong problema natin?
BF: Nabuntis natin si Inday at tayo ang ama.

Pare1: Pare mukhang anlalim ng iniisip mo ah?
Pare2: Nanaginip kasi ako kagabi, kasama ko daw 50 contestants ng Ms. Universe.
Pare1: Swerte mo naman teng! E ano problema dun?
Pare2: Kasi tol, ako nanalo!!!

Pare1: Pare, bat ba hanggang ngayon wala ka pang syota? Wala ka pa bang napupusuan?
Pare2: Meron! Manhid ka lang!!! Chaka to.....

Killer: Father mangungumpisal po ako.
Father: Ano ba ang kasalanan mo iho?
Killer: Nakapatay na po ako ng 20 tao.
Father: Bakit?
Killer: Kasi po naniniwala sila sa Diyos, kayo po ba naniniwala din sa Diyos?
Father: Dati yun no?... pero ngayon trip trip na lang!

Pasyente: Doc takot po ako sa bunot..
Dentista: Ganun ba? Eto gamot pampatapang ng loob.
Pasyente: (ininom ang gamot)
Dentista: Ano matapang ka na ba?
Pasyente: Oo doc! Puta pag may gumalaw ng ngipin ko basag ang bungo!

Ang mga Bisaya di ko maintindihan English nila. English ng isda... pis. English ng mukha... pis. Ng pandikit... pis. Ng kapayapaan.. . pis. Tinanong pa ako kung saan ako nakatira... Pis 1 o Pis 2? Pisti!

Oh.. ang bisayang magagalit, mapipisti? Pis tayo bay. Kadyot lang man ba.


(DISCLAIMER: Hindi sa akin galing ang mga joke na yan kundi sa spam. At bisaya din ako.. minsan.)

Palatastas #14: Sensya Na Tao Lang

Naisip ko sana halungkatin ang aking baul na pinaglalagyan ko ng aking mga sandamakmak na ga meme at tags galing sa aking mga prensheeps dito sa blogosphere. Naipa-alala kasi sa akin ni Kwento ni Enday, na marami pa pala akong nakabinbin na tags.

Balak ko sana isa-isahin lahat para wala na akong mga utang. Plano ko pa ngang gawing one week bonanza type yung pagpo-post, parang weekly special. Plano ko rin ngang mag around the world, umakyat sa Mt. Everest, mag swimming sa great barrier reef, magsimba sa Jerusalem, makipagkarera ng camel sa Sahara Desert, mag sun-bathing sa Boracay, at bumili ng eroplanong kasinlaki ng Airbus.

Pero katulad ng marami kong plano, palpak. Saka kahit bumili ako ng eroplano, problema ko pa kung san ko sya ipa-park sa gabi.

Di ko na kasi makita yung baul na pinaglalagyan ko ng listahan nung lahat ng mga nag-tag sa akin. Naiwan ko ata sa LA nung maglipat ako. Sensya na tao lang.

Ang medyo natatandaan ko lang ay yung mga nag-link at nag-tag sa akin gaya nina Fatherlyours, Pipeline Fixation, Pusang Maganda, Pink Biik... di ko na matandaan yung iba.

Kahit medyo boring ang pagsagot ko sa tag, me link naman, pwede na yun. Di ko na kasi makita eh.

Lipat Bahay (Sayang Wala Akong Baong EraseYourHead CD)

Eto na naman po ako. Walaaaaang kasawa-sawa. Sa tinanda-tanda kong ito, di pa rin nagsasawa na mag-ala Indiana Jones. Hindi, di ako nagpunta sa mga gubat para maghanap ng dyamante o kung anupaman.

Nagpanibagong kuta lang naman ako. At kung sa atin, kelangan mong umupa ng trak para maglipat bahay, dito U-haul ang nirerentahan. Pero di ko rin kelangan yun. Pinagkasya ko lahat ke Tagpi yung mga gamit na kailangan ko. Iniwan ko na lang yung iba. Mula sa Los Angeles, Californication ay nag drive ako papuntang norte. Wala lang, trip ko lang. Sabi ng nanay ko na kasama ko sa bahay, "bakit, wala bang ibang trabaho dito sa LA? Anong kaibahan ng trabaho dun sa Portland?".

Hay naku, e gusto kong pahirapan ang sarili ko eh. Henube. Kaya ayun. Drive na ang lolo mo. At dahil madugo ang byahe, chinop chop ko. Nag stop over ako sa San Francisco. Hinto muna ako sa Jobilee doon para bumili ng chibog. Pagkatapos diretso sa Golden Gate. Susubukan kong patalunin dun si Tagpi.

Pero bago ako nakarating sa San Francisco, me nadaanan akong lugar na Whaw! Galing tol! Hokey sa olrayt! Mga bundok na kakaiba ang tanim! Mga higanteng wind turbines. Para silang mga laruang nabibili noon sa labas ng school na ipinapaikot at lumilipad. Ano na ngang tawag nun? Ah basta yun.

Ihininto ko si Tagpi at ipinarada sa gilid ng freeway. Kahit delikado at bawal, huminto ako. Enubeh! Kelangan kong mag piktyur piktyur! Kung papano, bahala na. Paglabas na paglabas ko ng kotse, Whaw ulit! Ang hangin, super duper lakas. Kasinlakas nang pinagsamang hanging amihan at habagat. Muntik na akong tangayin. Buti na lang, kakakain ko lang kaya medyo mabigat. Ganda ng view! Kakaiba! Andaming mga elesi. Di rin ako nagtagal, kasi mas lumalakas yung hangin, tingin ko tatangayin talaga ako. Dito ata nakuha ni Pareng Ely yung kantang Elesi.

Dun yata ako ginutom sa super lakas na hangin. Tamang-tama, malapit na sa San Francisco, dun naman talaga ako hihinto at kakain. Kaya ayun dumaan muna ako sa downtown para mag to-go sa Jobilee. Nakita ko pa nga dun si Alma Moreno. Sabi sa kanya nung nasa counter, "Ma'am for here or for take-out?" Sagot ni Ness, "ah eh... for Vandolph!" Talaga namaaaan. Me paningit pang cahupoy at kopong-kopong na joke.

Pagkatapos akong pabaunan nung tindera ng balde-baldeng gravy, diretso na ako sa me Vista point sa me Golden Gate para dun magpahinga at tsumibog. Pero sempre, bago ang lahat, posing posing muna. Kelangan magpa-kodak para me remember.

Matapos ang walang katapusang pagda-drive at rest area, nakarating din ako. Grabe ang driving teng. Pagkalampas ko ng Mt. Shasta, umpisa na ng sign na sinasabing PORTLAND. Nilubugan na ako ng araw, di pa rin nauubos yung sign, walaaaang katapusan. Ngarag na ngarag ang lolo mo. Sayang talaga, wala akong baong EraseYourHead CD. Kasi kung gusto nilang mag-drive, ako ata nagsawa bigla.

Ilang araw na nga ako dito sa bago kong kuta, ngarag pa rin ang byuti ko.

Duwelo ng mga Eng Eng

Nagba-blog hop lang ako at nagtitingin tingin ng mga bali-balita sa internet kanina. Naispatan ko ang isang news item sa yahoo homepage na me title na 2 Colo. Men Exchange Taser Shots Over Parked Van.

Sa title na title pa lang, medyo interesting na. Wala naman sya sa odd o funny news, pero dahil mukhang medyo kakaiba, binasa ko. Ayun, sabi ko na nga ba, me ala Lito Lapid at FPJ na nagdwelo. Parang nasa wild wild west, mga kawawang koboy.

Hanef din naman, taser gun ang gamit ng dalawa, kundi ba naman mga eng eng. Hindi na lang nagbunong-braso. O kaya nag pitik bulag. Nasubukan mo na bang matamaan ng taser gun? Masakit din yun ah!


Akala yata nila sila si Obi Wan at Luke Skywalker. Nakakatawang imadyinin na nagpapalitan ng putok ang dalawa gamit ang mga taser gun. Umilaw din kaya yun na parang laser saber?

Sayang at hindi nagawan ng video, patok na patok sana yun sa Iyotube.

Haaayyy!

Nau-uryong na naman ako.

Two weeks na naman akong mala curacha, walang pahinga. Kasi naman yung isang kapalit ko sa trabaho, bigla na lang nag-quit. Wala tuloy ako pamalit. Tuloy di ko magawa yung ibang bagay na kelangan kong tapusin.

Pati yung mga anik-anik ng mga sites ko di ko mai-update tuloy. Kasi pagdating ko sa bahay, antok na antok na ako. Pati mga tubal (lamog, maduming damit) ko di ko na malabhan. Kaya ata walang gustong pumasok sa utak ko, di tuloy ako makapagsulat ng mga mala-impaktong pampadugo ng ilong.

Di na ako makatulog ng mahaba. Dati rati, ansarap ng tulog ko. Dahil pang-gabi ang byuti ko, pagdating ko sa bahay ng alas otso ng umaga, kakain lang ako ng breakfast, diretso ng tulog. Gigising ako nun, alas diyes na ng gabi para maligo at dumiretso na ulit sa trabaho. Sarap ng tulog. Dire-diretso, 14 hours.

Ngayon, maswerte na ko makakuha ng 6 hours sa dami ng aayusin at iisipin.

At dahil wala na nga akong ka-substitute sa trabaho ko, 2 weeks akong diretso na walang day op. Tapos me ppasok pang isang kumag na bago, sempre ite-train ko pa yun. Di bale kung mabilis maka pik-ap. Eh kung eng-eng? E di mas masakit sa ulo.

Mahirap din naman ang mag train ng bago, lalo na at walang experience. Kasi umpisa kayo sa zero.

Hay naku, buraot pa rin.

You're so Kadiri

Hay naku. Day off na naman. Bihira naman na akong mag off na ulit. Ngayon, nakakainip na naman. Nakakaburaot. Obvious ba na wala na naman ako magawa? Kasi nagpo post na naman ako sa mga kablogan ko.

Heto na naman ako. Pagkatapos ko paliguan si Tagpi, petik petik muna ulit. Ayoko namang lumabas kasi mainit na dito. Kaya tambay na naman ako dito sa lungga ko. Nakakatamaaaad!

Pati pagligo, tinatamad ako. Di bale, yung brief ko ililipat ko na lang sa Side B. Yukkie.

Sempre me naalala na naman ako. Dati kasi sa Dimasalang, sempre pag wala magawa, nakatambay lang. Minsan, nakaupo lang ako sa tambayan namin. Pa yosi yosi, nagpapaka pilosopo, nag-iisip kung bakit ako ipinanganak, nagbibilang ng sasakyan, at namimintas ng mga dumadaan.

Di ko napapansin, napapakamot ako. Parang me lamok na dumadapo sa batok ko. Maya maya pa, nakikita ko yung ibang mga tropa ko, na kanda ihi sa kakatawa sa akin. Sabi ko, bakit, ano nakakatawa? Wala lang, tawa lang sila ng tawa.

Dahil nakakahawa naman talaga yung hagalpakan nila, tawa din ako. Kahit di ko alam kung bakit.

Hanggang mapalingon ako. Yung isang tropan namin, walangya! Walang t-shirt, at naghihilod ng kanyang katawan gamit ang kamay at naglilibag. Kada hilod nya, binibilot nya yung kanyang libag ng kanyang daliri at ibinabato sa akin.

Hinayupak. Yukkie talaga. Kaya pala. Muntik ko na masapak ang kabron.

Dedma Lang

Bago pa ako naging buraot at pakelamero, wala akong paki. Bata pa ako nun, dedma lang ako. Walang pakelaman. Blaha ka sa buhay mo. May sarili akong mundo.

Kuntento na ako sa mga laruan kong ginagawa lang. Kung meron mang binibili hindi naman kamahalan di tulad ngayon na ang mga laruan ay super hi tech. Mga trumpo, sumpit, teks, goma, holen, sipa. Yang mga yan binibili.

Me mga laruan naman kami na di mo na kelangang bilhin, pupulutin mo lang kung san, me instant toy ka na. Mga tansan ng sopdrink, pwede mo pitpitin at gawing paining. Nalimutan ko na tawag dun, pero pinipitpit namin yun at nilalagyan ng butas sa gitna, lalagyan mo ng tali at hihilahin mo iikot na sya ng mabilis na mabilis. O kaya yung mga palara at kaha ng yosi, ginagawa naming play money. Mas mahal pag Phillip kasi green parang dollars.

Ang intercative games namin ay good for the health kasi libreng exercise pa. Mga tumbang preso, patintero, tyato, habulan, luksong baka, moro-moro, pwede ring suntukan ala fight club ni Brad Pitt.

Pag medyo pang petik lang, pwede na ang kindergarten at bahay bahayan.

Pinaka type ko sa lahat yung moro-moro. Kasi ang version namin parang rugby football, bugbugan. Kaya madalas nauwi sa suntukan. Kahit pag recess, laro kami. Kaya kapag makikita ng titser namin na gula-gulanit na mga uniform namin at nagpuputik na mga mukha namin, pare pareho kaming nababatukan at dinadala sa guidance office.

Wala lang, naaalala ko lang nung bata kasi kapag bata ka pa, wala ka pa talagang pakelam. Kahit pa nagkakagulo na, dedma lang ako. Ewan ko sa yo. Siguro nagkaron lang ako ng concern nung ipina-ban ni Marcos yung Voltes V sa tv. Yun medyo napa isip na ko. Kaya kahit uhugin pa ko, gusto ko na rin makirally sa edsa nun. Kaso bawal daw ang bata sabi ng nanay ko kaya hindi rin ako naka punta.

Kaya ayun, nakuntento na lang ako dun sa mga tau-tauhan ko.

Kuta Kinabalu

Hindi ko kailangan ng kung anumang dahilan kung bakit di ako nakakapag post nitong nakaraan. Blog ko to, me reklamo?

Pero dahil madami naman akong mga repapits, sempre laging me alibi. Ang aking dahilan kung bakit bihira ako makapag orbits sa ibang mga blogs ng me blogs at bihira din ako makapag update? WALA LANG. TRIP KO LANG!

Medyo napagamot ko na kasi ng pautay-utay (pakonti konti ang ibig sabihin) si Tagpi. At heto nga at nagbabalak na si Tagpi na lumipat ng ibang kuta. Medyo nabugbog kasi nitong nakaraang taon, kaya pahiyang muna. Kumbaga sa mga manunugal, "Las-ma ang bekata sa wakali!" Kung kaya naghahanap na naman ako ng panibagong batcave dito sa US of A.


(pogi na ulet..)

Pero kahit maglipat-bahay at magpanibagong kuta kami ni Tagpi, tuloy tuloy lang itong Kulapo, lumalakas ata raket dito.

Kaya naman, hoy... yung mga nag-aabang dyan sa bago kong pautot, sige abang abang lang... i mean, sali na! Libreng pabwenas ko yan sa aking mga cachupoy na suki.

Pasasalamat muna kay Badoodels ng Kwentong Barbero.Com dahil sempre, sa kanya ko nakuha ang ideya ng pautot na ito bukod pa sa sandamakmak na trapik na nakukuha ko mula sa kanyang site. Tenks!

Sikatchupoy si BURAOT Contest UPDATE!!!

Dahil sa napesteng public demand, me slight changes sa rules ng pautot na Sikatchupoy si BURAOT Contest.

Binabawi ko na po ang mga papremyo! Nyahahaah! Joke lang sempre. Baka mamaya me mambomba ng site ko.

1. Pinapa-gaan ko na po ang sentensya sa mga blogs na up and running. Sa halip na January 1, 2008, pasok na lahat ng blogs na up en running na noong April 01, 2008. Saktong sakto kasi April Fools Day. So, kung ang blog mo ay nag-umpisa na nong April 1, taong 2008, pasok ka!

2. Di mo kelangang mag cut en paste ng rules. Kasi naesep ko, masyado mahaba yung ipo-post mo kung isasalpak mo pa yung rules. Kakahiya naman sa yo, kakainin ko buong espasyo ng blog mo.

Okei ba?

So, refresh ang memory muna.....

Ano nga ang kelangang gawin para makasali?

1. Kailangang pumili ka ng isa sa mga post o article dito sa site na Anak ni Kulapo na tinginin mo ay nakapagpa-laglag ng panti mo or brief mo kaya, o kaya naman ay nakapagbago ng buhay mo, o kaya naman ay naka-apekto sa yo in a profound way (di ko lam tagalog ng profound), o kaya naman ay nakapagpa-tulo ng sipon mo, o kaya din naman ay super cachupoy sa kakornihan. In short, kahit anong post dito na nakatawag ng pansin mo. Sabihin ang mala impaktong dahilan kung bakit mo napili ito.

Example:

"Dear Lolo Buraot, napili ko po ang iyong post na Powder o Lotion dahil nakapagbigay po ito ng patok na ideya para makapag-libang. Oks. Babu. "

2. Ikabit ang link ng nasabing post
3. Bukod sa link ng nasabing post, kailangan mo ding i-mention na sumasali ka sa mala-cachupoy na pakulong ito.
4. Ikabit ang link ng site na ito gamit ang bagong url na www.kopongkopong.com.
5. Pwede mong lagyan ng kahit na anong title ng post mo. Blaha ka nang mag-imbento. Pagtapos mong mai-post ang iyong entry, mag-iwan ng comment dito, para mai-tally ng mga board of judges.

Sempre ang pampagana. Magpapamudmod ang site na ito ng $550.00 at 4,500 Entrecard credits sa mga mapipiling mala-impaktong nilalang.

Para sa kabuuang detalye ng pautot na ito, basahin ang nakaraang post o iklik mo ito.

Gudlak blakjak!

Sikatchupoy si BURAOT Contest!

Heto na po ang sinasabi nilang delubyo. Kung di mo alam ang delubyo, itanong mo muna sa lolo mo. Mula sa pinagsama-samang hanging amihan at habagat mula sa mga aplaya ng Timbuktu at mga masamang hanging nagmula sa kumukulong tyan ni BURAOT... ang pinaka pautot ng mga pautot.

Ang Sikatchupoy si BURAOT Contest!

Yahoooooooooooo!

Sino ang pwedeng sumali?
1. Bata, matanda, may ngipin o wala. Girl, boy, bakla, tomboy. Kahit na anong kasarian ka pa, babae, lalake, o di tiyak, kahit pa walang kasarian, pwede rin.
2. Kailangan sempre Pilipino ka, dahil di mo maintindihan ang mga epal dito. Pwede din ang half-half. Half Pilipino, Half Pilipina.
3. Lahat ng may blog. Kung wala ka namang blog, gumawa ka muna. Kaso di ka pa rin uubra dahil may time limit. Ang iyong blog ay kinakailangang hindi manananggal (fly-by-night) na blog. Ibig sabihin hindi pwedeng umistayl na gagawa ka lang ng bagong blog para maisali dito. (lang-magu to-its) Kailangang gumagana na yang blog mo mula pa April 01, 2008.

Kahit pa one thousand syete mil ang blogs mo, pwede mo isali lahat. Basta pasok sa criteria yung blog mo. Mas madami kang blog, mas madami kang chance na manalo ng sandamakmak na pasasalamat. Heheheheh.

Ano ang kelangang gawin para makasali?

1. Kailangang pumili ka ng isa sa mga post o article dito sa site na Anak ni Kulapo na tinginin mo ay nakapagpa-laglag ng panti mo or brief mo kaya, o kaya naman ay nakapagbago ng buhay mo, o kaya naman ay naka-apekto sa yo in a profound way (di ko lam tagalog ng profound), o kaya naman ay nakapagpa-tulo ng sipon mo, o kaya din naman ay super cachupoy sa kakornihan. In short, kahit anong post dito na nakatawag ng pansin mo. Sabihin ang mala impaktong dahilan kung bakit mo napili ito.

Example:

"Dear Lolo Buraot, napili ko po ang iyong post na Powder o Lotion dahil nakapagbigay po ito ng patok na ideya para makapag-libang. Oks. Babu. "

2. Ikabit ang link ng nasabing post
3. Bukod sa link ng nasabing post, kailangan mo ding i-mention na sumasali ka sa mala-cachupoy na pakulong ito.
4. Ikabit ang link ng site na ito gamit ang bagong url na www.kopongkopong.com.

5. Pwede mong lagyan ng kahit na anong title ng post mo. Blaha ka nang mag-imbento. Pagtapos mong mai-post ang iyong entry, mag-iwan ng comment dito, para mai-tally ng mga board of judges. (ako yun)

Ang Premyo? Kelangan ba meron? (Nyehehhe. Joke lang.)

Pagsapit ng alas dose ng gabi empunto ng October 31, 2008, sarado na ang botohan. Pyesta ng mga patay, ay bobolahin na ng mga hurado (ako ulit yun) ang mga sumali. Within 3 to 5 days ay ipapaalam na natin kung sino ang mga wagi. Ang tatanghaling mga maswerteng mga nilalang ay makakakuha ng premyong sumusunod:

Grand Prize:
1. 3,000 entrecard credits at
2. Pumili ng isa sa mga sumusunod:
a. Three hundred dollars,
b. Tatlong daang dolyares,
c. Tres syentos estados unidos dolyares, o
d. Tatlong plastic balloon (used)

Second Prize:
1. 1, 000 entrecard credits at
2. Pumili sa mga sumusonod:
a. One hundred dollars,
b. One hundred pesos,
c. Isang daang baku-bako, o
d. None op da above

Third Prize:
1. 500 entrecard credits at
2. Pumili sa mga sumusunod:
a. Fifty dollars,
b. Singkwenta pesos,
c. Limampung pirasong sinkong kulot, o
d. Tenkyu mula kay BURAOT

Consolation Prize: (Kita mo naman sa pakontest, me consolation prize pa.)

Ang consolation prize ay mananalo ng $100.00 sa mapipili ni BURAOT na pinakamagandang post. Depende kung anong ganda, pwedeng pinaka-nakakatawa, pinaka-kyut, pinaka-korni at kung anumang post ang makakapag-palaglag ng brief ni BURAOT.

Last date of entry: 11:59 PM, October 31, 2008 PST (sori, kelangan oras dito sa aking hide-out and susundin)

Babala/Paunawa/Paalala/Pahabol/P.S.:

* Kailangang may blog ka na gumagana na noon pang January (sorry pow)April 01, 2008 o mas luma pa.
* Kailangang may paypal ka para maipadala sa yo ang sandamakmak na sampera. Kung wala kang paypal, gumawa ka ng account. Sayang ang ibabayad sa western union.
*Ang mga premyo ay non-transferable (ibig sabihin di ko pwedeng i-transfer sa yo. heheheh. joke lang. ibig sabihin, kung ikaw ang nanalo, sa yo ko lang pwede ibigay di pwedeng mo)
* Kailangang nakaka-intindi ka ng Tagalog.
* The promotor have all the rights pertaining to the rules of this promo. Per DTO permit 02-10.
*Bawal Omehe Deto! Ang Mahole Bogbog!

Para sa mga dagdag na tanong, reklamo, epal, mag-comment lang dito o mag-email sa buraot101@gmail.com.

Hala, game na!

The Day The Penis Asked for a Raise

Eto, wala na naman akong magawa. Naipasa lang sa kin to thru email at naisip ko sempre na isalpak dito. Kids, takpan ang inyong mga tenga...

The Day the Penis asked for a Raise...

Dear Ma/am:

I, the Penis, hereby request a raise in salary for the following reasons:
I do physical labor.
I work at great depths.
I plunge headfirst into everything I do.
I do not get weekends or public holidays off.
I work in a damp environment.
I work in a dark workplace that has poor ventilation.
I work in high temperatures.

My work exposes me to contagious diseases.

Sincerely,
P. Niss

The Response:

Dear Penis:

After assessing your request, and considering the arguments you have raised, the administration rejects your request for the following reasons:
You do not work 8 hours straight.
You fall asleep after brief work periods.
You do not always follow the orders of the management team. You do not stay in your designated area and are often seen visiting other locations.
You do not take initiative - you need to be pressured and stimulated in order to start working.
You leave the workplace rather messy at the end of your shift. You don't always observe necessary safety regulations, such as wearing the
correct protective clothing.
You will retire well before you are 65.
You are unable to work double shifts.
You sometimes leave your designated work area before you have completed assigned task.
And if that were not all, you have been seen constantly entering and exiting the workplace carrying two suspicious-looking bags.

Sincerely,

V. Gina
*******

Nalala ko tuloy si Erap.

Titser: Erap spell vagina..
Erap: Ah eh... di ko matandaan ma'am eh... nasa dulo lang ng dila ko yun kagabi eh...

O.. o.. walang magre react. Wala pa akong balak gawing porn site ito.

Sakit Chupoy

Parang kakagising ko lang nang mapansin ko na mahigit isang linggo na naman pala akong walang post. Tinamaan na naman kasi ako ng walang kupas na lagnat bata trangkaso.

Lagnat na umaabot ng 500 degrees, katawang parang nabugbog sa hazing, ilong na parang walang butas sa sobrang barado sa bibig ka na lang humihinga kung minsan sa tenga, pag hindi naman barado bumabaha naman na basta na lang sya lumalabas na parang gripong naiwang bukas o kaya ay linya ng Nawasa na maraming butas....

Hatsing na sangkatutak para syang baby armalite, ubong para kang inaatake ng hika na mukha ka nang hinahapo na asong gala, sakit ng mga siko, tuhod at mga kasu-kasuan (joints po yun), sakit sa ulong parang minamartilyo, minamaso at ginagamitan ng drill, madalas bigla ka na lang giginawin na para kang mina-malaria o kaya naman e parang me humahaplos sa yo na mumo. Oo ganun.

Grabe. Hirap ng me sakit. Wala pa naman nag-aalaga sa kin dito.. (paawa)

Sa totoo nga lang, mas gusto ko pa mabugbog kesa magkasakit. Eh kasi nga takaw-bugbog ako kaya sanay na ko dun. Sisiw! At least yun, muscles mo lang ang masakit. Eto buong katawan, pati mga atay at balun-balunan mo masakit.

At sempre pag me sakit ka pa, magde depress depressan ka rin. Kesa naman mag senti na naman ako dito at pahirapan ko sarili ko, tamang imagine na naman ako at pilit na nililibang at inuuto ang sarili ko.

Naalala ko tuloy si Doctor Kwak Kwak. Naisip ko tuloy kung sino nga ba yun at kung sino nag-imbento sa kanya. Siguro, pag magaling na ko, hahantingin ko din sya tulad ng paghahanting ko ke Kopong Kopong. Naalala ko din namang kontakin si Ernie Barong, baka me suggestion syang remedyo sa mga problema ko. Kaso naalala ko din, matagal na nga palang nag-Saudi yun na walang balikan. No choice ako kundi hanapin na lang si Doctor Kwak Kwak.

Alam ko noon, me walang kamatayang mala-cachupoy na generic drug para dito sa sakit ko eh. Kisspirin at Yakapsule.

Eto baka gusto mo ding subukan.... Togmolodon? Gusto mo?

Tulog Mantika

Ewan ko ba. Lahi na ata namin talaga nuknukan ng sarap matulog. Tanghali na at tirik na ang araw, tulog pa rin.

Noon sa bahay namin sa Dimasalang, dahil nga sangkaterba kaming magkakapatid, hiwalay ang kwarto ng babae at lalaki. Ang kwarto ng mga babae, malinis palagi maliban sa kalawanging arinola na naka istasyon doon kapag gabi na. Ang kwarto naming mga lalaki, ubod ng kalat. Maghapon magdamag, ni magtupi ng kumot walang gumagawa. Kasi naman, tanghali na lahat kami kung bumangon.

Tirik na tirik na ang araw, nakababad pa sa kama. Minsan nga, palubog na rin ang araw, dun lang magigising. Kahit pa nga nagkakasunog na, sarap pa rin ng tulog, para lang nananaginip. Pag me lindol naman, mas lalo pang napapasarap kasi parang pinaghehele lang. Tulog mantika talaga.

Lahat kasi kami, me mga nunal sa batok. Naks, habulin ng tsiks! Ganun daw pag me nunal sa batok. Actually mas tutut ata yung takaw-tulog.

Nalaalala ko pa nga. Kapag bumanat na sa TV yung 3 o'clock habit, kelangan ko na gisingin yung iba, kasi kinakabahan na ang nanay ko. Baka daw hindi na humihinga yung iba.

Minsan, napasok kami ng magnanakaw. Mga akyat-bahay. Napag-alaman yata na sobra kaming sasarap matulog. Wala man lang sa aming nakaramdam, ubos na ang gamit. Yung isa kong kuya, kung makatulog naka-alahas pa ata. Basta ang alam daw nya, suot suot nya ang relo nya ng matulog, ultimo paghuhubad ata ng relo nakatamaran pa.

Ayun. Paggising namin, ubos na ang gamit. Pati yung suot suot na relo ng kuya ko, natangay din. Grabe. Grabe kung matulog.

Kaya sensya na pipol. Napasarap ata ng husto tulog ko. Kala ko nga tuloy tuloy na gising ko, naalimpungatan lang pala. O hayan me post na ko ha? Pwede na uling matulog.

Halo-Halong Gawa sa Snow

Sensya na mga repapits. Ngarag pa byuti ng lolo nyo eh. Natambakan na naman tuloy ako ng mga meme.

Sempre, kagaya ni Ambo, kelangan ko din naman magliwaliw ng hindi gumagamit ng internet. Kaya dumayo ako sa me bandang norte para makatikim ng special na halo halo. Gawa sa snow. Nagbaon lang ako ng condensed milk, katalo na.

Yun lang. Okey balik na sa mga tag at meme. Oissst Miatots at Reynz naghahanap pa ko ng piktyur ko na pinaka-gwapo kaya di ko pa naipo-post.. Oo ganun kahirap humanap ng pic ko na gwapo.;)

(kunyari marunong mag-ski)
Ooops.. nalimutan ko.. valentayms na nga pala. Hay naku, hayan humingi kayo ke Itot ng discount card dahil sigurado ako member yan ng Flower's Club.

Kung nagmamadali ka naman at kelangan mo nag mga payo at puntos para sa date mo eto pagtyagaan mo na yung luma kong posts tungkol dito. Eto salpak mo sa browser mo. >>> Flower's Club at eto pa >>> Powder o Lotion?

Me Libre Kan Tutbras!

Grabe. Galing lang ako sa dentista. Ayoko sana kaso mo, naisip-isip ko, sayang yung mga kinakaltas sa sweldo ko kung hindi ko gagamitin yung benepisyo ko.

Langya. Sa tinanda tanda ko na ito, sa totoo lang takot ako sa dentist. Kasi naman nung bata pa ko, napanood ko yung ate ko na binubunutan ng ngipin. Kaya ako natakot, kasi masyadong madugo. Parang ala Sweeney Todd. Naka-upo sya sa dentist chair at me takip na puting kumot tapos tumitilamsik ang kanyang dugo. Yung dentistang bumubunot ng ngipin nya, naliligo na rin sa dugo. Hitsura ng massacre nina Carlo Caparas.

Kaya hayun, buhat noon, di na ko pumupunta ng destista. Kahit na ibagsak pa ako ng titser ko sa Health en Grooming, oks lang. Baka ma ala-Sweeney Todd pa ko wak na!

Tutal, ekspert naman ako sa old iskul na pagbubunot ng ngipin. Sabi ng nanay ko, kapag umuuga na na yung sirang ngipin, kukuha lang ako ng sinulid, isang basong tubig, at maliit na kaserola. Ipupuplupot ko yung sinulid sa ngipin ko, ilalagay ko sa harap ko yung kaserola. Sabay wan.. tu..tri.. HILA!

Minsan naman, itatali ko yung kabilang dulo ng sinulid sa door knob ng pinto para mas malakas ang pwersa. Tanggal kang ngips ka!

Kaya naman nung magpunta ako ng dentista, tinanong ako na para bang naglalandi.. "First time?" Sabi ko naman.. "At my age? Are you kidding? Hell no!"


Sabay tawa at hirit nya na "I mean.. to a dentist?" Esep esep ko, ayan linawin mo. "Well, kind of."

Halata ata na naginginig pa tuhod ko dahil nga takot ako. Dyoskoday! Ganun pala. Dalawa silang nag-aagawan sa panga ko. Nung una, x-ray. Kung anu-ano sinasalpak sa bunganga ko habang pinipiktyuran yung bawat anggulo ng panga ko. Pagkatapos, nilinis. Parang kinukudkod yung ngips ko ng bakal na papel de liha. Sirang sira ang poise ko. Biruin mo ba naman kitang-kita nila ang aking ngala-ngala. Tapos me tig-isa silang maliit na hose na nakasalpak sa lalaugan ko. Yung isa me lumalabas na tubig, at yung isa naman pang-higop.

Kaya pala sa dami ng tubig na pumupulandit hanggang sa mukha ko, di ako nalulunod, kase me pang-higop din.

Makaraan ang halos dalawang oras ng pakikipag-buno ko sa dalawang tsikabeybs.. hah! Napagod din sila. "Buraot, we cannot finish this in one sitting, we need you to come back." O di nagsawa din kayo.

Sabi nung kasama ko, ganda nung isa dun no? Eh ano namang paki ko? Kahit na pinaka-maganda sya sa lahat, malabong makapagpa-kyut ako dun no. Eh kitang-kita na nila bituka ko eh.

Pero in fairness, parang nabawasan ako ng dalawang kilo.

Ang Bulaklak ng Saging

Ang tula na ito ay 45 years in the making. Isang araw, me natanggap akong email ke Bekbek. Naghahalukay daw sya ng baul ng makita nya ang kanyang kopong kopong na planner. Sa likod nito, nakasulat ang isang mala-impaktong tula na hindi naman tapos. Nakalagay din dun ang pangalan ng salarin na bumalatuba sa kanyang binibukbok nang planner. Sempre sino pa.... e di yung bida dito! Alangan namang ikaw eh blag ko to?

Kaya heto na po ang kabuuan.

Bulaklak ng Saging
(ang tulang 45 years in the making)

Minsan isang araw
Ginabi na ako non
Bitbit ko'y kalabaw
Ako'y napalingon

Mga surot na may kabag
Sa damuhan nakatuon
Mga kapre at tyanak
Ay nagkalason lason

Sapatos kong puti,
Asul ang kulay
Na minana ko pa
Sa mahal kong tatay

Ginawang palaso
Tahanan namin
Mga tutubi
Kaibigan namin.

Ang bulaklak ng saging.

Me Ranggo na Ko? Ows?

Tinimbrehan lang ako ni Kotseng Kuba dito. Me ranggo na daw ako. Esep esep ko.. eh ano naman ngayon? Magkakapera ba ako dun?

Pero syempre, no choice kasi curious dot com na ako. So pumunta ako dito sa PR checker ni Haring Gugel. Aba, oo nga, yung Literary Ekek ko eh me ranking na 3, at yun namang Antisocial ko eh 3 din ang rank.

Nung check ko naman nitong ke Kulapo, laglag! Pusoy Dos!

Ewan ko kung papaano nila nirarangguhan ang mga sites. Eh pagkaka-alam ko, eh mas marami akong suki dito ke Kulapo. Malamang, katulad na naman ng dati. Kase ang salita sa blag na ito ay Tagalized version kaya hindi pansin nung mga otobots na ingles spokening.

Oks na rin. Kakaumpisa ko pa lang naman. At kahit papaano, nakaka utay-utay kahit konti. Mas okey sana kung ang ranggo mo eh yung malapit na sa heneral, e eto parang kabo ka pa lang. Andami ko pang mamaniin na bigas.

Oo na. Wag ka masyado maingay jan. Wala nga ako akong mai-post, eh.

Cachupoy Blogs

Ikaw bay nalolongkot? Ikaw bay nalolombay? Kong gayon, eto na ang magpapaligaya sa imong buhay. Mga blags na kapwa ko mala-cachupoy ang dating. Mga Nilalang na walang kamalay-malay at mga walang kabohay-bohay pero subalit datapwat ngunit ay magpapa-sigla sa naghihingalo mong bohay. Heto ang kanilang mga links.

Anak ni Kulapo
Anukayayun
Batang Yagit
B(ek)log ni Roy
BlogComics
Blog ni Inday
BlogTambayan
Chicksilog
Chuvaness
Culture Shiok
Dear Diarya
Diarya
Eagleman
EllaGanda
Es2pido
Fionski.Com
Hakampootah
Holy Kamote
Gumamela
Kengkay
Kiko Matsing
Kiwi Pinay
KwentongBarbero.Com
Maldito
Maruism
Nakanampucha
Pusang Gala
Reyna Elena
SimplyKat
SpokeningPeso
Spontaneity
Superficial Abyss
Kokeymonster.Com
Taragis
Toingks

Kung tinginin mo, mala-cahupoy ka din. Timbre ka lang sa promotor nito at isasalpak ko link mo.

Eto pa ang mga latest discoveries sa aking mga cachupoy expeditions.

RedHotSilliKamote, Dakilang Tambay, Gasti, Chillidobo, Reclamador, Delicious si Lyrius, xxx.chicksilog.com, Kokeymonster.com, Pink Biik, Kwentong Bancuro, Sticky Tape & Apron Strings, Mahiwagang Sibuyas, Hinulugang Pakpak, Damuhan...

Cachupoy Blogs Unite!

Heto na po, me update na ng bilangan dun sa pautot ng KwentongBarbero.Com na Best Cahupoy Blogs. Biruin mo, andami palang mala-cachupoy na blogs na gawa ng mga pinoy. Andami kong naispatan. Nung una, ni hindi ko nga naririnig kaya naman nung mapasyalan ko, nabingi ako.

At sempre katulad ng aking agam-agam, anlayo ng agwat ng aking syotang si Inday. Halos doble ang score nya sa number 2 na si mala-polvoron sa keseksihan na si Maruism. At opkors, nagpapasalamat din ako sa mga nagoyo bumoto sa akin. Kahit na bagito lang po ako dito sa kaekekan na ito, eh medyo nasa top ten naman. Naks!

At nasa 5-6 place ako katablahan si Jojitah.Com. Close kami ha? I'm sure magiging close kami talaga. Ehem. Heheheh.

Eto na po ang countdown ng mga nasa Top 20 (Twenty lang, handami eh). Para sa kabuuang listahan ng countdown, pasyal ka lang dito. Oo dyan.. Yung di pa nakakaboto, oi bumoto na kayo, at mapag-iiwanan kayo, ei kami pala.

Rank 1: Inday blogniinday.com 4,300 votes
Rank 2: Maruism maruism.com 2,900 votes
Rank 3: Reyna Elena reynaelena.com 2,300 votes
Rank 4 : Maldito thegreatmaldito.wordpress.com 1,800 votes
Rank 5 - 6: Spontaneity jojitah.com 1,700 votes
Rank 5 - 6: Anak ni Kulapo kopongkopong.blogspot.com 1,700 votes
Rank 7: Gagopolis poli-adik.blogspot.com 1,600 votes
Rank 8: Chuvaness mynosebleed.com 1,500 votes
Rank 9- 11: Chiksilog empermera.blogspot.com 1,400 votes
Rank 9- 11: Chillidobo chillidobo.wordpress.com 1,400 votes
Rank 9- 11: Mr. D deardiarya.blogspot.com 1,400 votes
Rank 12 - 13: Jon Cabron joncabron.wordpress.com 1,200 votes
Rank 12 - 13: Green Pinoy greenpinoy.com 1,200 votes
Rank 14 - 15: Gasti gasti.wordpress.com 1,100 votes
Rank 14 - 15: Defpotec defpotec.wordpress.com1,100 votes
Rank 16 - 17: Marijuana Den marcelomcrey.blogspot.com 1,000 votes
Rank 16 - 17: Pinoy Humor Blog paulding.blogspot.com 1,000 votes
Rank 18: King Daddy kingdaddyrich.blogdrive.com 900 votes
Rank 19 - 20: Anukayayun anukayayun.blogspot.com 700 votes
Rank 19 - 20: Blasted Brain Blog crost23.blogspot.com 700 votes

Hanggaling talaga ng pautot ni pareng badoodles. Making mala-tsunami waves. Hmmn. Mahigpit ang laban. Kelangang ko na ata kontakin si Garci. Si Lintang Bedol kaya? Oi, Batman bilis bilisan mo na dyan at napag-iiwanan ka.

(Huh? Bumoboto pa ko dito eh...Duh!!)
Naisip ko na rin na gumamit ng superpower para sa reinforcement, ang aking supah friends. Buti na lang, si repapits kotsengkuba ay me naisip na paraan. Ang maghakot ng flying voters. Para sa mga gustong humakot pa ng flying voters, pasyal ka dito sa Flying Voters Unite.

Galing talaga ni parekong KotsengKuba. Genuis. Hahakot na din ako maya-maya. Nyahahahha!

Yahooooooooo!

Hokey sa olrayt! Wala na akong trabaho. At least wala na kong part time na trabaho. Ngayon, me oras na ako sa aking mga blogalots.

Kagabi lang, kinausap ko na yung isang boss ko dun sa isa kong trabaho at finally, sinabi kong "you can shove your job up your stinking bottoms!"

Hinde, joke lang. Di naman ganun ka-brutal. Di ba nga nage-esep esep na akong mag-quit talaga kasi sagabal sa pagba-blog. Pero me full time pa rin akong trabaho. Ang siste na lang kesa limang araw ako sa full time at dalawa sa part time, tinanggal ko na yung part time at ginawa kong anim na araw dun sa full time. At least ngayon me day off na ako. Yahooooo!

Pero dahil sempre, mababawasan ang aking anda, kelangan me pagkunan ako nung ibang pondo na kelangan ko. Lalu pa't kelangan ni Tagpi ng surgery.

Oo ang galing mo. Naisip mo rin yung naisip ko. Kelangan ko nang pagka kwartahan ang mga blag na ito. Kaya ngayon kelangan ko na ding i-konsulta ang aking problemo sa mga beterano sa mga raket sa pagba-blag na sina ka Ka Ambo, KotsengKuba at Lukaret. At nang makapag-open na din ako ng account sa Banco ng Reyna.

Ala ay yun laang naman.