Bumibili ka ba ng mineral water? Umiinom ka pa ba ng tap water? O umiigib ka pa rin sa poso?
Eh ano namang kinalaman nun dito sa Anak ni Kulapo? Wala lang. Kasi ngayon ang araw na kelangan kong mag-paskel ng isang pautot na me kinalaman sa kapaligiran. Di mo ba nakita yung banner dun sa gilid? One voice for the environment ekek? Alam mo naman kahit papano, nakikisawsaw pa rin ako. Nung una, naisip ko, seryosong topic yun ah, papano ko kaya ipo-post yun dito sa blag ko eh, puro kabulastugan lang ang laman ng blag ko? Kaya pasensya ka na kung medyo seryoso to. Kasubuan na.
Ano bang sa tingin ko eh medyo may malaking kabuluhan sa ating mga mala-impaktong nilalang dito sa whole wild world? At anong isyu ba tungkol sa mga paligid-ligid ang pede kong i-chika na hindi naman ako magiging kamukha ni Al Gore? Di naman sa ayoko ng Nobel Prize. Dun lang nga sa libreng premyo pag bumibili ako ng plastic baloon masaya na ko.
At tutal medyo natutuyuan na rin naman ako, tubig ang naisip ko.
Kasi naman kahit mawalan na tayo ng pagkain, mabubuhay tayo kung me tubig. Pero ang big-tu, pag wala nito, tigok tayo. Sa galing umimbento ng mga Pinoy ng pagkain, no problem yun. Andami dyang langgam, pede isangag. Maglaga ka lang ng pinaglumaang medyas, me sabaw na. Pero saka ko na lang itutuloy sa ibang araw ang wento tungkol sa mga kakaibang pagkain nating mga pinoy. Bak to H20 muna tayo.
Alam mo ba na kapareho lang ang sustansya, kundi man mas marami pa, ang makukuha mo sa tap water kesa sa mineral water? Oo. Pareho lang yun. Pero bakit mas marami na ang umiinom ng bottled water? Sempre para sosi. Ano poor?
Alam mo rin bang ang total na kombinasyon ng power output na ginagamit sa paggawa ng mga plastik na bote na yan eh tone-tonelada ang konsumo. Oo, halos pwede nang ipang-gamit ng Napocor sa konsumo natin ng kuryente ng mahigit sampung taon, sobra sobra pa. Yun eh kung hindi yun kakat-kungin nung mga nasa Malakanyang.
At alam mo bang sa kasalukuyang kalakaran ng paglaklak natin ng tubig at ang pagtatapon nito, sa loob lang ng ilang dekada, maari nang maubos ang inuming tubig sa whole wild world? Sya, sya, oo na! Dami mo satsat! Patanung-tanung ka pa. Malapit nang maubos ang balon ng tubig ng mundo. At kahit triplehin mo pa ang bayad mo sa Maynilad, di ka nila kayang bigyan ng kahit na ga-patak. Dahil bukod sa puro kalawang ang laman ng mga tubo nila, wala nang dadaloy na tubig kahit saan.
Natuyot na at nahuthot na lahat ng sangkatauhan. Wala nang matitira. Simot.
Pero wag kang mag-alala. Andaming tubig sa dagat. O, sandali lang, di pa ako tapos. Alangan namang inumin mo yun eh sempre alam ko maalat yun. Nasubukan mo na bang uminom ng tubig-dagat kung anong lasa? Lasang sipon. Nakatikim ka na ba nun? Ako oo, kasi nung bata pa ko, naaalala ko lasa nun. Wag mong sabihin ikaw hindi. Hu, wag ka ngang mag-inarte dyan. Lahat ng bata nakatikim na nun. Baka lang hindi mo matandaan.
Oo, naisip ko na yung ulan. Pede pa ring source ng inumin yun. Kaso teng, sempre pagdating sa future na yun, high tech na. Kaya ang ulan high tech na rin, acid rain na, di na pupuwedeng inumin, kasi sigurado di mo na magagamit yang dila mo, dahil lapnos na. Ayan, green ka na naman, saan ba mainly ginagamit ang dila, di ba sa pagsasalita? Sabi sa yo tigilan mo na ang pagbili-bili ng Maxim eh. Sinasayang lang nun ang mga puno. Di bale kung recycled yung papel na ginagamit.
Ilang taon pa, marami nang gagamit ng desalinisation plant para maging kainom-inom ang tubig dagat. Sa Sim City nga meron na eh. Ang kaso, parang hindi ko ata maatim na inumin yun. Kasi di mo ba alam na kung anu-anong dumi ang tinatapon natin sa dagat?
Hindi ba't lahat ng sewers ay papunta sa dagat. Isipin mo, lahat ng mga kung kani-kaninong ebak napupunta dun. Yuk. Pero sempre, pagdating ng panahon na hi-tech na, no choice na tayo kundi inumin yun. Sigurado naman na lilinisin na yun ng mga planta. Pero kahit na, yun ngang mga kampyuter nagkaka-virus, yun pa.
Kaya mga tsong, conserve water, take a bath together! Alam ko luma na yung slogan na yan, panahon pa ni kopong kopong. Pero ayaw mo nun classic. Saka ubra pa rin naman. Konting tipid lang, wag aksaya. Ngayon naman, kung gusto mo naman talagang magtipid, wag kang maligo ng isang taon. Kaso mo, di rin uubra yun, kasi sigurado sa antut mo, lalo lang mabubutas ang ozone layer. Bulls eye pa yun, nasa tapat ng Pinas.
O sya, sige na at mag-gogoli pa ko. Tandaan mo, wag aksaya sa tubig ha?
Honey, taralets na sa jacuzzi!
Bago pa ako naging buraot at pakelamero, wala akong paki. Bata pa ako nun, dedma lang ako. Walang pakelaman. Blaha ka sa buhay mo. May sarili akong mundo.
